Alia Sabur: Alipata U “Professor” Akiwa Na Miaka 19

 

Kila mtu anajambo lake la kipekee hapa duniani.Binti huyu ajulikanaye kwa jina la Alia Sabur alipata u professor akiwa na umri wa miaka 19 tu.Kitabu cha rekodi za dunia cha Guinness Book of World Records kimemwandika kuwa anashikilia nafasi hiyo mpaka sasa.

Alia mzaliwa wa Northport New York alijua kusoma na kuandika akiwa na umri wa miezi 8 tu.Alimaliza mtaala wa elimu yake ya msingi akiwa na umri wa miaka 5.Akajiunga na masomo ya sekondari huko New York katika shule bora zaidi ambayo pia walisema hawawezi kuwa nae maana amepitiliza viwango ndipo akajiunga na chuo kikuu akiwa na umri wa miaka 10 na kumaliza shahada ya kwanza ya sayansi ya mahesabu chuo cha Stony Brooks akiwa na miaka 14.Akiwa na miaka 17 alimaliza shahada ya uzamili katika sayansi ya uinjinia na akiwa na miaka 19 tayari alikamilisha shahada ya uzamivu (PhD) na kutangazwa kama Professor mdogo kuliko wote duniani akifundisha chuo kikuu cha Konkuk jijini Seoul Korea Kusini.

Colin Maclaurian

Alia anavunja rekodi iliyokuwa imeshikiliwa kwa muda mrefu sana ya Colin Maclaurian mwanafunzi wa mwanafizikia maarufu Isack Newton aliepata kuwa professor akiwa na umri wa miaka 19 mwaka 1717 huko chuo cha Aberdeen.

Alia mwenye umri wa miaka 26 sasa alisema “Mara nyingine kuna kipindi cha mpito ambacho kunatokea watu wa aina yangu wanaofanya mambo ya kipekee katika umri mdogo lakini kadiri anavyokua anabadilika na kuwa mtu mzima wa kawaida tu asie tena na vitu vya kipekee.Yaani upekee wake ulitokana na umri wake lakini katika hali ya kawaida hakufanya jambo la kipekee”.

Share on Google+

About TANZANIA INVESTEMENT ADVENTURERS

We are an Investment Club geared to use social networks as means of sharing informations, knowledge, wisdom but more importantly reducing the cost of marketing your products by reaching so many potential customers with the lowest cost ever.