Usalama Wa Kagame Mashakani, Hofu Yamtanda Sasa Avaa Koti La Kuzuia Risasi Muda Mwingi

Katika kile watu wanachokiamini kama kuteleza kwa ulimi,mwezi mmoja uliopita Rais Paul Kagame alisema “Natamani Rwanda ivamiwe ili niwaonyeshe.Nakufa na hofu ya kusubiri vita ambavyo haviji”.Siku mbili baadae kituo kimoja cha polisi kilivamiwa na waasi,askari karibu 18 na walinzi binafsi wa Rais Kagame waliuawa kwenye mapigano yale yaliyodumu kwa saa tatu.Siku moja baadae Polisi wa Rwanda wakatangaza kwamba walidhibiti ile hali.

Alhamisi ya Aprili 28, 2016 Kagame alitembelea wilaya ya Ngoma  jimbo la Mashariki akiwa katika umbo lisilo la kawaida, alikuwa ndani ya koti la kuzuia risasi “Bullet proof jacket”kama anavyoonekana pichani. Na kutokea hapo amekuwa mara kadhaa akionekana na makoti ya aina hiyo mbalimbali hasa anapokuwa katika shughuli zake za kikazi maeneo ya wazi.Makoti hayo yanaosadikiwa kutengenezwa Mexico yamebuniwa na Miguel Kaballero raia wa Colombia mwaka 2010 mwezi April.

Wachambuzi wa mambo wanasema labda hii inatokana na hofu kutokana na Kagame kuwaweka ndani wale anaohisi ni wapinzani wake wa kisiasa na wanaotaka kumkwamisha kugombea tena urais katika uchaguzi mkuu ujao uliopangwa kufanyika mwakani 2017.Waliowekwa ndani au hata kuuawa katika hali tatanishi ni pamoja na wanasiasa,viongozi wa kijeshi na watu wenye hamasa kubwa katika jamii wanaoonyesha kupingana nae.

Rais Kagame mwaka jana aliongoza mabadiliko ya katiba yatakayomwezesha kumpa nafasi ya kugombea tena urais kwa kipindi cha tatu mfululizo.Mabadiliko hayo pia yamepunguza muda wa Rais kukaa madarakani kutokea miaka saba mpaka mitano mabadiliko ambayo yataanza mwaka 2024 mara baada ya Paul Kagame kumaliza muhula wake wa tatu.

Share on Google+

About TANZANIA INVESTEMENT ADVENTURERS

We are an Investment Club geared to use social networks as means of sharing informations, knowledge, wisdom but more importantly reducing the cost of marketing your products by reaching so many potential customers with the lowest cost ever.