Mahakama Kuu DRC Yasema Rais Kabila Hatong’oka Madarakani.Katumbi Afunguliwa Mashtaka

Mahakama kuu ya kikatiba ya Jamuhuri ya kidemokrasia ya Congo jana jumatano imepitisha maamuzi kuwa iwapo uchaguzi hautofanyika mwezi November mwaka huu basi Rais wa sasa Joseph Kabila ataendelea kubaki madarakani kwa kipindi kingine zaidi ya muda wake wa awamu mbili kupita.

Wapinzania wa Kabila wamepinga uamuzi huo kwa kusema kwamba kama uchaguzi hautofanyika mwezi November basi atateuliwa mtu mwingine kukaimu nafasi ya urais kwa mpito hata pale uchaguzi utakapofanyika tena na sio Rais Kabila kuendelea kukalia kiti hicho.

 

Kabila aliekirithi kiti hicho kutoka kwa baba yake alieuawa mwaka 2001 alishinda kiti hicho kwa kupigiwa kura kwa mara ya kwanza  mwaka 2006.Katiba ya nchi hiyo inasema atatakiwa kuachia madaraka mwezi Desemba mwaka huu baada ya kukikalia kiti hicho kwa awamu mbili mfululizo lakini serikali inasema uchaguzi huo unaweza usifanyike kutokana na ufinyu wa bajeti na vifaa vya kuendeshea uchaguzi sababu zinazoelezwa na wapinzani kuwa ni njama za kabila kutaka kubaki madarakani.

Wapinzania wanasema Kabila ni lazima atoke madaraka ifikapo mwezi Desember 20 mwaka huu na kama mahakama inaridhiana na Rais Kabila katika njama zake za kutaka kubaki madarakani basi watahesabu jambo hilo kama mapinduzi ya kikatiba na hawatakubali.Wakati wapinzania wakilalamikia jambo hilo la mahakama Ramazani Shadari katibu mkuu msaidizi wa chama anachoongoza Kabila ameliita tamko la mahakama kama Ushindi wa wananchi.

Hii ni moja wa mwendelezo wa viongozi wengi wa Afrika kutafuta namna ya kubaki madarakani kwa njia yoyote ile.

 Wakati huo huo

Moise Katumbi bosi wa TP Mazembe alietangaza hivi majuzi nia yake ya kugombea Urais wa nchi hiyo na kuungwa mkono na vyama kadhaa vya upinzani ameingia katika siku yake ya pili ya mahojiano na serikali juu ya madai ya yeye kupanga njama za kuiangusha serikali kwa njia za kijeshi  kwa kuajiri wapiganaji wakiwemo wanajeshi wastaafu wa Marekani. Katumbi ambae hapo awali alikuwa rafiki mkubwa wa Rais Kabila na gavana wa jimbo la Katanga amegeuka kuwa adui nambari moja wa Kabila hasa kutokana na nguvu aliyo nayo kisiasa na kutishia kubaki madarakani kwa kabila.

Share on Google+

About TANZANIA INVESTEMENT ADVENTURERS

We are an Investment Club geared to use social networks as means of sharing informations, knowledge, wisdom but more importantly reducing the cost of marketing your products by reaching so many potential customers with the lowest cost ever.