Marufuku Mbunge Kuwa Mjumbe Wa Sekretarieti CHADEMA – Dr. Mashinji

Katika kile kinachoonekana ujio mpya wa katibu mkuu wa chama cha Demokaria na maendeleo CHADEMA ametangaza hadharani nia yake ya kuunda sekretarieti ya chama hicho na kusema hakuna mbunge hata mmoja atakaepata nafasi.Akieleza kitendo hicho kama namna ya kuwapa watu wengine wenye ujuzi nafasi za kukiendesha chama hicho ameeleza kuwa ni jambo la ajabu kwa mtu kupewa nafasi mbili mbili wakati wapo watu wengi ndani ya chama wenye uwezo wa kuongoza na hawapewi nafasi.

Akiwa ameambatana na afisa habari wa chama hicho Dr. Mashinji alinukuliwa akisema “Hatuwezi kuwapa watu kazi mbili mbili,kwanini umpe mtu kazi zaidi ya moja wakati wapo wengine wenye uwezo wa kufanya kazi hiyo? Alihoji.

Wajumbe wa sekretarieti ni pamoja na Katibu mkuu ambae ndiye mwenyekiti, Naibu katibu mkuu bara, Naibu katibu mkuu Zanzibar, Wakurugenzi wote wa Idara makao makuu, Wajumbe watano wataalam ambao huteuliwa na mwenyekiti kwa kushirikiana na katibu mkuu, Katibu wa sekretarieti atakaeteuliwa na katibu mkuu pamoja na makatibu wa mabaraza ya chama Taifa.

Kwa sasa mbunge John Mnyika na Grace Tendega huingia katika sekretarieti ya chama hicho kwa nafasi zao.Swali ni vipi itakuwa hatima yao baada ya maamuzi haya mapya ya Katibu mkuu.

Share on Google+

About TANZANIA INVESTEMENT ADVENTURERS

We are an Investment Club geared to use social networks as means of sharing informations, knowledge, wisdom but more importantly reducing the cost of marketing your products by reaching so many potential customers with the lowest cost ever.