Sakata La Emails:Msaidizi Mkuu Wa Hilary Clinton Awatoroka FBI Baada Ya Kubanwa Na Maswali

Sakata linalomkabili aliyekuwa Waziri wa mambo ya nje wa Marekani na ambaye sasa anasaka tiketi ya kuteuliwa na chama chake cha Democrats kupeperusha bendera ya kugombea Urais wa nchi hiyo katika uchaguzi mkuu ujao bi Hilarry Clintoni la kujitengenezea server yake binafsi nyumbani kwake na kuitumia kupokea na kutuma barua pepe za kiofisi kinyume na utaratibu linazidi kuchukua sura mpya.

Hillary ambaye FBI wamepanga kufanya mahojiano naye muda wowote kutokea sasa anakuwa katika wakati mgumu kujibu ni kwanini alifanya kitendo hicho na kuwa kuna hofu huenda kuna taarifa za siri nyingi zimevuja kutokana na jambo hilo.

 

Kufuatia sakata hilo FBI walianza kufanya mahojiano na wasaidizi mbali mbali wa kiongozi huyo.Itakumbukwa mwezi April waliohojiana na mmoja wa aliekuwa msaidizi wake wa karibu bi Huma Abedin na hivi majuzi aliekuwa msaidizi mkuu wa bi Hilary Clinton kwa muda mrefu bi Cherly Mills alihojiwa mpaka kufikia hatua ya kuondoka bila taarifa kwa madai kuwa maswali yalivuka mipaka.

Alidai kuwa  maswali ya FBI  yalivuka mipaka baada ya kutakiwa na FBI aeleze ni utaratibu gani hutumika katika kutoa barua pepe kwa idara kuu ya mambo ya nje ya Marekani ili ujumbe ndani yake uweze kutumika kwa umma na Mills ambae ni mwanasheria kitaaluma alidai kuwa swali hilo hakutakiwa kuulizwa.Hivyo yeye na mwanasheria wake walitoka nje wakidhaniwa watarudi lakini wakatokomea moja kwa moja.

 Wakati huo huo

Idara kuu ya serikali ya Marekani  inayojihusisha na mambo ya nje imeshindwa kupata barua pepe yoyote katika server ya bwana Bryan Pagliano ambae ndiye alikuwa mtaalam wa teknolojia ya mawasiliano na aliemfungia bi Hilary server yake binafsi.Pagliano alikataa kujibu swali lolote mwaka jana mpaka Machi mwaka huu alipokubali kinga kutoka idara ya sheria na kutokea hapo FBI wamekuwa wakiendelea kumuhoji juu ya sakata hilo na amekuwa akitoa ushirikiano.

 

Share on Google+

About TANZANIA INVESTEMENT ADVENTURERS

We are an Investment Club geared to use social networks as means of sharing informations, knowledge, wisdom but more importantly reducing the cost of marketing your products by reaching so many potential customers with the lowest cost ever.