Soko La Karume Chini Ya Ulinzi

Soko la wafanya biashara ndogondogo la Karume wilaya ya Ilala mkoa wa Dar es Salaam leo limeamka chini ya Ulinzi mkali wa jeshi polisi ili kuzuia wafanyabiashara waliokuwa wakitandaza biashara zao pembezoni mwa barabara na barabara za akiba (service road) kutofanya hivyo.

Mwandishi wetu alishuhudia magari mawili yaliyosheheni askari polisi wa kutuliza ghasia almaarufu kama FFU (Field Force Unity) wakiwa ndani ya magwanda yao ya kazi sambamba na gari lao la maji ya kuwasha wakijivinjari maeneo hayo.

Tulipata bahati ya kuongea na mmoja wa waathirika wa kitendo hicho aliejitambulisha kama bwana Baraka na alipoulizwa aliishia tu kusema “Kaka acha tuisome namba”.

Kwa sasa halmashauri zote za jiji la Dar es salaam zipo kwenye harakati za kulipanga jiji likae kwenye utaratibu hasa wafanyabiashara kwa kuwatafutia maeneo japo ni kitendo ambacho bado kina ukakasi hasa kutokana na kuwataka wahame bila kuwa na sehemu mahsusi za kuhamia.Tayari meya wa manispaa ya Kinondoni bwana Jacob alishafanya jambo hili kwa kugawa vizimba pale Ubungo na sasa Ilala baraza la madiwani halipo kwenye uhusiano mzuri na mkurugenzi wake kutokana na kushinikiza jambo hili bila kuweka utaratibu bayana kwa wafanyabiashara hawa.

Share on Google+

About TANZANIA INVESTEMENT ADVENTURERS

We are an Investment Club geared to use social networks as means of sharing informations, knowledge, wisdom but more importantly reducing the cost of marketing your products by reaching so many potential customers with the lowest cost ever.