Rwanda Kutumia “Drones” Kama Njia Ya Haraka Ya Kusambazia Vifaa Tiba

 

Haya sasa ndio maendeleo yanayohitajika Afrika kwa wakati huu.Zipline kampuni ya kutengeneza “maroboti” inafanya kazi na serikali ya Rwanda kuwatengenezea drones zitakazotumika kusambazia vifaa tiba kwa haraka na wepesi zaidi kwa maeneo ambayo hayafikiki kirahisi.Ubunifu huu utakuwa wa kwanza na wa aina yake kwa bara la Afrika.

Namna zitakavyofanya kazi ni kuwa madaktari na wauguzi katika maeneo yao watakuwa wakiweka maombi kwa njia ya simu na drones zitakuwa zikichukua vifaa hivyo kutoka kwenye maghala maalum yaliyotengwa sehemu mbalimbali za nchi na kuzipeleka eneo husika ndani ya dakika chache tu na zikifika vifaa vitashushwa kwa parachuti.

Drones hizo zitakuwa zikitumia betri na zina uwezo wa kubeba kilo 1.5 na uwezo wa kusafiri mpaka kilomita 120.Ubunifu huo utaanza kutumika mwezi July kwa kusambaza damu nchi nzima.Matumizi haya ya drones yatapunguza muda wa usambazaji vifaa hivi kutoka kutumia masaa 15 sasa havitachukua hata dakika 15.

Akiliongelea suala hili mwanzilishi na Afisa mkuu mtendaji wa kampuni ya Zipline mwenye umri wa miaka 29 Bw. Keller Rinaudo amesema wazo hili alilipata kwa mara ya kwanza mwaka 2014 alipotembelea Tanzania na kugundua kuwa kunahitajika njia ya haraka ya kusambaza vifaa tiba sehemu za vijijini.Amesema Rwanda ndio wa kwanza kununua wazo hilo lakini ana mpango wa kulisambaza kote Afrika.

 

Share on Google+

About TANZANIA INVESTEMENT ADVENTURERS

We are an Investment Club geared to use social networks as means of sharing informations, knowledge, wisdom but more importantly reducing the cost of marketing your products by reaching so many potential customers with the lowest cost ever.