Nawaambia Anayecheza na Serikali Hii Anacheza na Maisha Yake – Magufuli

Baada ya watu kumwita Rais hafuati sheria na anautawala wa kiimla leo amewadhihirishia tena kuwa kauli hizo hazimrudishi nyuma katika kutekeleza majukumu yake aliyokabidhiwa kwa mujibu wa katiba ya Jamuhuri ya Muungano wa Tanzania.

Akiwa mjini Katesh leo Rais Dr.John Pombe Magufuli amenukuliwa akikemea vikali baadhi ya wafanyabiashara wanaohujumu uchumi hasa katika bidhaa ya sukari iliyoleta sintofahamu kuwa waache vitendo hivyo la sivyo wanacheza na maisha yao na kuwa wasiporekebisha tabia ya kuficha sukari ili kusababisha upungufu wa makusudi basi sukari hiyo ataikamata na kuigawa bure na kamwe hawatakaa wafanye biashara Tanzania maisha yao yote.

“Nitoe wito kwa wafanyabiashara ambao wanasukari na wameficha kwenye maghala, kuna mmoja alienda kununua Kilombero zaidi ya tani elfu tatu halafu mpaka leo hajaichukua. Kuna mwingine ana ghala kule mbagala kwa taarifa nilizo nazo leo ana tani elfu nne nazo hataki kuziuza ili kusudi wananchi wakose sukari”

“Nataka niwaambie sukari haifichiki kama sindano, nimeshaagiza vyombo vya dola vifatilie wafanyabiashara wote ambao wameficha sukari wale ni wahujumu uchumi tutachukua sukari ile na kuigawa bure. Tutaichukua sukari na hawatakaa wafanye biashara maisha yao yote hapa Tanzania, kwa hiyo kama wapo wafanyabiashara wanaotaka kunijaribu na kucheza na serikali wajue wanachezea maisha yao. Waitoe hiyo sukari wakauze kama walivyokuwa wamepanga” alimalizia.

Ikumbukwe nchi sasa hivi ipo kwenye sintofahamu ya upungufu wa sukari mara tu baada ya Rais kupiga marufuku uingizwaji wa sukari kutoka nje ambapo baadae serikali kwa kupitia waziri mkuu iliruhusu tena uingizwaji huo.

Share on Google+

About TANZANIA INVESTEMENT ADVENTURERS

We are an Investment Club geared to use social networks as means of sharing informations, knowledge, wisdom but more importantly reducing the cost of marketing your products by reaching so many potential customers with the lowest cost ever.