Hilary Clinton kupotezwa na FBI wiki ijayo juu ya saga la Emails. Kicheko kwa Bernie Sanders

Sasa imethibitishwa kuwa mgombea anaewania kuteuliwa na chama chake kupeperusha bendera ya Democrats katika uchaguzi ujao wa Marekani Bi Hilarry Clinton anatarajiwa kuhojiwa vikali na taasisi ya upelelezi ya Marekani FBI juu ya sakata lake la kujiundia barua pepe nyumbani kwake na kuitumia kwa mawasiliano ya ofisi alipokuwa Mtendaji mkuu wa serikali wakati wa awamu ya kwanza ya Obama.

Mmoja wa wasaidizi wake wakuu Huma Abedin tayari ameshahojiwa na FBI katika ofisi zao za Washngoton mwezi April. FBI na idara ya sheria ya Marekani wamekuwa wakifuatilia na kupeleleza iwapo kuna taarifa zozote nyeti ambazo ziliingia kwenye server ya Clinton na kutumika vibaya. Uchunguzi huu wa FBI kwa mara ya kwanza uliripotiwa mwezi August mwaka jana. Bado haijajulikana uchunguzi huu utachukua muda gan lakini wasaidizi wa Clinton katika kampeni wamesema wanahakika uchunguzi huu ukimalizika basi itabainika kuwa hakuna lolote baya lililokuwa limetokea.

Clinton amekiri kuwa jambo alilofanya lilikuwa ni kosa japo alisisitiza kuwa hakupokea nyaraka yoyote iliyokuwa siri wakati huo. Uchunguzi mpaka sasa unaonyesha kuwa server yake ilipokea nyaraka ambazo zilikuwa ni zaidi ya siri japo mwenyewe amekataa kata kata jambo hilo.

Sakata hili linampa nafuu kidogo Bernie Sanders anaeonekana kulemewa na mpinzani wake huyo ndani ya chama. Kama Bi Hilarry akionekana na makosa sakata hilo laweza mpunguzia nafasi ya kumshinda mpinzani wake Bernie Sanders.

Share on Google+

About TANZANIA INVESTEMENT ADVENTURERS

We are an Investment Club geared to use social networks as means of sharing informations, knowledge, wisdom but more importantly reducing the cost of marketing your products by reaching so many potential customers with the lowest cost ever.