John Kasich Nae Abwaga Manyanga. Sasa Trump Ajipanga Kwa Bernie Sanders.

Kati ya majina ya utani ambayo Donald Trump mgombea wa kiti cha urais wa Marekani kwa tiketi ya chama cha Republican basi ni “The Beast” yaani Mnyama. Hii ni kwa sababu ameweza kuwafurusha wapinzani wake wote ndani ya chama chake kujitoa hivyo kujihakikishia kuipeperusha bendera ya chama hicho kwenye uchaguzi unaotarajiwa.

Usiku wa jana wana Republican walishuhudia mgombea wao mwengine John Kasich akijitoa kwenye mbio hizo pale Columbus, Ohio. Kasich mgombea pekee aliekuwa amesalia akiminyana na Trump alihitimisha harakati hizo kwa kutoa tamko lililogusa hisia za watu wengi. Alinukuliwa akisema “Nimekuwa siku zote nikisema Mungu ana makusudi na mimi kama alivyo na makusudi na kila mmoja wetu. Na kama ninavyohitimisha kampeni zangu leo, nina imani mpya kabisa,imani kuu kuwa Mungu atanionyesha kusudio langu na kunifungulia njia mpya”. Baada ya hapo aliwashukuru wote waliojitoa kwa hali na mali kwa ajili ya kumsapoti na kueleza furaha aliyo nayo kwa kuwania nafasi ya ofisi ya juu kabisa katika taifa.

Wakati huo huo sasa ni Dhahiri kuwa Donald Trump anajipanga kuhakikisha Bernie Sanders hapitishwi na chama chake badala yake anamuhitaji Hillary Clintoni akidai huyo ndio atammaliza asubuhi na mapema kuliko Bernie.

Share on Google+

About TANZANIA INVESTEMENT ADVENTURERS

We are an Investment Club geared to use social networks as means of sharing informations, knowledge, wisdom but more importantly reducing the cost of marketing your products by reaching so many potential customers with the lowest cost ever.