Hivi ndivyo Rais Bill Clinton na Monica Lewinsky walivyofumaniwa Ikulu

Leo tujikumbushe skendo iliyolitikisa taifa la Marekani hasa familia ya Rais mstaafu wa Marekani Bill Clinton ya kuhusiana kimapenzi na mfanyakazi wa Ikulu bi Monica Lewinsky.Wengi tumesahau lakini ni moja ya skendo zinazosisimua sana kuzisoma.Leo tutaipitia japo kwa juu juu na kwa lugha nyepesi ya kiswahili

Ilianzaje?

Ilikuwa ni mwaka 1995 wakati huo Bill Clintoni akiwa katika kipindi chake cha kwanza cha uongozi marekani akiwa na umri wa miaka 46.Monica yeye alianza kufanya kazi Ikulu katika ofisi ya katibu mkuu kiongozi (Chief of Staff) Leon Paneth tangu June, 1995 kama mfanya kazi mwanafunzi (Intern) akiwa ametoka kuhitimu chuo cha Lewis & Clark college.Ni hapo Bill Clinton alipomuona na kuvutiwa na binti huyo aliekuwa bado mchanga na mbichi wa miaka 21 tu na kwa mujibu wa Monica walianza mahusiano na Rais November mwaka huohuo.

Ilikuwaje?

Baada ya Rais kuwa na mahaba na Monica na hivyo kunogewa nayo msaidizi wa katibu mkuu kiongozi bi Evelyn Liberman alishtukia mchezo na April 1996 aliamua kumwamisha Monica katika ofisi ya msemaji msaidizi wa wizara ya Ulinzi (Pentagon) bwana Ken Bacon.Bi Evelyn alitoa sababu kuwa amemwamisha kutokana na Monica kuonyesha tabia zisizofaa na za kitoto “inappropriate and immature behavior".Lakini pia watendaji wengine walikuwa wakitilia shaka ukaribu uliopitiliza kati ya Monica na Rais. Ni katika ofisi hiyo za pentagon ndipo Monica akakutana na Linda Tripp binti aliyekuwa mfanyakazi wa idara ya Ulinzi katika wizara hiyo wakaunda urafiki.

Kutokana na ukaribu wa kiutendaji kati ya Pentagon na Ikulu bado Monica alikuwa na nafasi kubwa ya kuwa anafika Ikulu mara kwa mara na mara zote alitumia muda mwingi sana katika ofisi ya Rais kitu ambacho bado hakikuwa kikiwafurahisha wafanyakazi wa Ikulu na hivyo October  1997 Ikulu iliandaa mpango wa kumwamisha tena bi Monica na kumtaka ahamie ofisi za umoja wa mataifa UN. Ni balozi Bill Richardson alieombwa ampangie kazi Monica lakini baada ya usaili wa kazi bi Monica aliikata nafasi hiyo na hivyo kubakishwa Pentagon.

Ikumbukwe mpaka wakati huo hakuna aliekuwa na ushahidi pasi shaka kuwa Monica ana “date” na Rais Clinton.Ni mwaka huo hasa baada ya kuona anazidi kuwekewa vipingamizi vingi vya kukutana na Rais mara kwa mara ndipo alipoanza kumueleza Linda Tripp rafiki yake wa wizara ya ulinzi juu ya mahusiano yake na Rais.Alimweleza kuwa kati ya November 1995 mpaka March 1997 alishakutana kimwili na Rais Clinton mara tisa.Linda baada ya kusikia hivyo aliwasiliana na mwanausalama Agent Lucianne Goldberg aliempa kifaa cha kurekodia simu na hivyo Linda akamtegeshea Monica na kurekodi simu zote alizokuwa akiwasiliana na Rais Clinton.Ni katika kipindi hicho pia kuna siku Linda Tripp alikutana ana Monica akiwa anatoka kwenye ofisi ya Rais nywele zikiwa zimemvurugika na rangi ya mdomoni ikiwa imebanduka.

Skendo iliibukaje?

Baada ya Monica kugoma kutoka Pentagon lilitoka shinikizo kutoka Ikulu na haraka aligundua anafukuzwa kazi hivyo aliamua kuacha kazi kwa kuahidiwa na Rais kuwa atamtafutia kazi nyingine. Rais Clinton kwa kumtumia msaidizi wake Betty Curie aliyekuwa akijua kinachoendelea kati ya Rais na Monica aliamua kumtumia rafiki wa karibu wa Clinton bwana Vernon Jordan amtafutie kazi Monica.

Sasa baada ya Linda Tripp kukamilisha kukusanya ushahidi wake agent Goldberg alimwelekeza Linda apeleke mkanda huo kwa mwanasheria wa kujitegema Kenneth Starr aliyekuwa akichunguza skendo nyingine za Clinton kama ile ya Whitewater ,White House FBI filter Controversy na ile ya White House Travel office controversy .Baada ya kumfikishia Kenneth  yeye sasa angepeleka kwa Paula Jones(Kuna sababu maalum ya kufanya hivi).

Mkanda ulipomfikia Paula Jones alimwita Monica na kumwambia madai hayo Monica alikataa na ndipo hapo walipowasiliana na mwandishi wa habari Michael Isikoff wa gazeti la Newsweek. Mnamo Januari  17 ,1998 Michael katika Drudge report alipoamua kuirusha hiyo habari kwa mara ya kwanza. January 21, 1998 gazeti kubwa la Washngton Post nalo likaruka na hiyo skendo na ikaanza kuwa kubwa na isiyo mithilika.

Kwa mara ya kwanza January 26, 1998 Rais Clinton akiwa anaongea na waandishi wa habari Ikulu akiwa sambamba na mkewe bi Hilarry alikataa katakata kujihusisha kimapenzi na Monica. Hata alipoletewa rekodi za maongezi yao Rais alikataa na kuondoka haraka kwa kudai kuwa anaharaka ya kwenda kuandaa spichi ya kuwasilisha hali ya uchumi ya Taifa.

Nini Kilifuata baadae?

Habari ni ndefu ila itoshe tu kusema baada ya hapo yapo mengi sana yaligundulika na kuendelea na kulitokea msukumo kuwa Rais ajiuzulu na yeye Februari 6,1998  akajibu “Kwa imani watu wa nchi hii waliyonipa kwa kunichagua kuwa Rais wao kamwe siwezi waacha kwa sababu hii”. Hilary clinton mkewe nae aliamua kuziba masikio na February 11, 1998 alinukuliwa akisema “Suala hili si zito sana litakwisha tu” .

Skendo hii ni ndefu saga litaendelea.

Share on Google+

About TANZANIA INVESTEMENT ADVENTURERS

We are an Investment Club geared to use social networks as means of sharing informations, knowledge, wisdom but more importantly reducing the cost of marketing your products by reaching so many potential customers with the lowest cost ever.