Bibi la Kichina la Biashara Haramu ya Meno ya Tembo Duniani Linaloishi Tanzania

Loh, huwezi amini yaani kumbe vita yote ile ya meno ya tembo tukijua hilo limtu lipo sayari gani sijui kumbe tunaishi nalo hapa hapa. Ni bibi Yang Fenglan mwanamke wa kichina alieingia Tanzania mwaka 1970 na ni mchina wa kwanza kuhitimu masomo ya kiswahili na hivyo kuajiriwa na TAZARA kama mtafsiri ndiye hasa anaeshikilia biashara haramu ya meno ya Tembo Duniani kutokea Tanzania.

Bibi huyu inakadiriwa tangu mwaka 2000 mpaka 2014 ameshafanikiwa kuua zaidi ya tembo 400 na hivyo kusafirisha zaidi ya pembe 700 zenye thamani ya shilingi za kitanzania zaidi ya bilioni tano. Bibi huyu amekana mashtaka na kesi yake imepangwa kusikilizwa tena mwishoni mwa mwezi huu.

Yang Fenglan ni nani?

Yang Fenglan bibi wa miaka 66 mchina mwenye ujuzi wa kuongea kiswahili zaidi ya mzaramo alikuja Tanzania mara ya kwanza mwaka 1970 na baada ya kufanya kazi TAZARA mwaka 1975 alirudi zake china kufanya kazi na idara ya biashara za kigeni ya Beijing. Ni mwaka 1998 alipoamua kurudi Tanzania kufungua biashara, kwa mwendo huu tutasema alifungua biashara zaidi ya moja (na hii ya meno ya tembo)

Alikodi stoo mbili hapa Dar es salaam na akafungua mgahawa wa kichina ghorofa ya chini na juu akafungua kampuni ya uwekezaji akaiita Beijing Great Wall Investment. Mgahawa ulifanikiwa sana lakini mwaka 2014 yeye mwenyewe alisema “Sasa hivi siutegemei mgahawa katika kuniletea pesa badala yake nautumia kama sehemu ambayo wachina na watanzania wanaweza kukutana na kubadilishana mawazo”

Mwaka 2012 alikuwa ni katibu mkuu wa baraza la biashara kati ya Tanzania na China na aliwahi nukuliwa akisema “Najua sasa hivi ningetakiwa niwe nimestaafu lakini ujuzi wangu wa lugha na mtandao nilionao unaweza wasaidia watanzania na wachina wengi kujuana na kuaminiana kibiashara.Sitaki kuachia nafasi hii.Mimi ni mfano halisi wa mahusiano kati ya China na Tanzania”

Kukamatwa kwa bibi huyu kumepokelewa kwa furaha kuu na wadau wa wanyapori na kusema sasa tatizo linaweza kupungua kwa kiasi kikubwa kwani karibu wachina wote wanaokamatwa na pembe za ndovu nchi hii kama hawakutumwa na yeye basi waliowatumia wana mahusiano na mama huyu. Hivyo bibi huyu huitwa “Queen of Ivory”

Share on Google+

About TANZANIA INVESTEMENT ADVENTURERS

We are an Investment Club geared to use social networks as means of sharing informations, knowledge, wisdom but more importantly reducing the cost of marketing your products by reaching so many potential customers with the lowest cost ever.