ATHARI ZA UTOAJI MIMBA KIHOLELA

Wasichana wengi hujikuta wakipata ujauzito bila kupanga. Kwa hiyo hupatwa na mawazo ya kutoa ujauzito huo bila ya kupima faida na hasara za kuutoa. Hata hivyo pamoja na kuwa hairuhusiwi kisheria kutoa mimba (abortion) ambayo haina hatari kwa afya ya mama, lakini ikilazimika, basi utoaji mimba ufanyike katika mazingira salama, ambayo ni nadra kupatikana hasa katika mataifa machanga na ambayo yanapiga marufuku utoaji mimba. Zifuatazo ni hatari zinazoweza kutokea wakati na/au baada ya kutoa Mimba.

1. Kutokwa damu nyingi, (Haemorrage) mfuko wa mimba una mirija mingi ya damu mahususi kwa ajili ya kuhudumia kijacho kwa hewa na virutubisho. Utoaji mimba huweza kupelekea kupasuka kwa mirija hiyo midogo kwa mikubwa kisha kuvuja na kusababisha upungufu mkubwa wa damu wa ghafla (Shock) au hata kifo.

2. Kutoboka kwa mfuko wa mimba (uterine wall perforation). Ikiwa utaalam hautakidhi au kwa bahati mbaya, vifaa vitumikavyo katika utoaji vyaweza kutoboa mfuko wa mimba na pia kuharibu ogani za karibu yake kama utumbo na kibofu cha mkojo.

3. Ugumba (Infertility). Kutoboka kwa mfuko wa mimba au kuharibika kwa sehemu zingine za uzazi kutokana na vifaa vya ovyo au utaalam usiokudhi kwaweza kusababisha ugumba kwa muda au wa kudumu.

4. Kutungwa mimba nje ya mfuko wa mimba (Ectopic Pregnancy).

5. Maambukizi ya bacteria (Sepsis). Ikiwa usafi haukuzingatiwa, mchakato wa utoaji mimba huweza kupelekea maambukizi na kisha homa kali.Piaikiwa kuna mabaki ya mimba (products of conception) katika mji wa mimba,tatizo huwa kubwa zaidi na kuhitaji huduma ya dharura ili kuepuka kifo.

Mambo ya Kuzingatia.

1. Hakikisha uduma, mtaalam na vifaa vinakidhi. Utahakikishaje?
2. Hakikisha kuna usafiri wa haraka kwa ajili ya kupata rufaa kwa huduma zaidi endapo italazimika.
3. Si salama sana kutoa ujauzito wa miezi zaidi ya 3,hasa katika mazingira ya uchochoroni. Katika ujauzito wa Miezi mitatu, mifupa huwa tayari imetengenezwa.
4. Zingatia Sheria za Nchi juu ya suala la utoaji mimba.

Asante.

Dr. Chris Cyrilo

Share on Google+

About TANZANIA INVESTEMENT ADVENTURERS

We are an Investment Club geared to use social networks as means of sharing informations, knowledge, wisdom but more importantly reducing the cost of marketing your products by reaching so many potential customers with the lowest cost ever.