Michel Temer;Rais Wa Muda Wa Brazil Aliehakikisha Dilma Rouseff Anasimamishwa kazi

Haiko wazi sana lakini katika watu Rais Dilma Rouseff hatamsahau basi ni makamu wake Michel Temer.Makamu huyu wa Rais ambae sasa ndiye anaekalia kiti hicho baada ya Rais Dilma kusimamishwa kazi hata hapo mashtaka yake yatakapomaliza kusikilizwa ndani ya siku 182 ndiye hasa alienyuma ya mpango huu.

Temer mwanasheria nguli na mwanasiasa mkimya ila mahiri mwenye asili ya Lebanon na mwenyekiti wa chama cha Brazillian Democratic Movement Party (PMDB)  ndiye anaetajwa kama The man behind the scene.Makamu huyu wa Rais sasa atakaimu nafasi ya Rais mpaka hapo suala la Rais Dilma litakapomalizwa na kuonekana hana hatia.

Kwanini Temer amehakikisha anamtoa Dilma madarakani?

Temer na Dilma wanatoka vyama tofauti vya siasa kwa hiyo ni wapinzani.Kutokana na hali hiyo Rais Dilma amekuwa akimtenga Temer kwenye mambo mengi ya shughuli za serikali hata wakati mwingine kufanya maamuzi pasi kumshirikisha kabisa makamu wake. Lakini ikumbukwe kama kunatokea tatizo basi ni serikali nzima inakuwa ikilaumiwa jambo ambalo limekuwa likimkera sana Temer na amekuwa akimlalamikia sana Rais Dilma juu ya hilo.Hivyo watu hawa wawili wamekuwa wakiishi katika hali ya kutoelewana.Na ilipotokea sakata la Rais kudaiwa kutumia fedha za serikali vibaya na kutoa taarifa za uongo juu ya akiba ya serikali ndipo hapo Temer alipoanza kutumia mwanya huo kutimiza azma yake.

Kutoelewana kati ya Temer na bosi wake kuliibuka hadharani Desember mwaka jana (2015) pale alipomwandikia barua bi Dilma akilalamika kutengwa katika shughuli za serikali na mambo yote kuyafanya Rais mwenyewe.Barua hiyo iliyoanza na maneno ya kilatini "Verba Volant, Scripta Manent" (Maneno yanayosemwa hupaa,yanayoandikwa hubaki) ilieleza kuwa mawasiliano hayo ni binafsi kati yake na Rais na kama Rais ataendelea na tabia hiyo ya kutemtenga katika shughuli za serikali basi matatizo yoyote yatakayompata asihusike.

Katika barua hiyo alimlalamikia Rais Dilma kuwa amemfanya yeye kama Makamu wa Rais pambo badala ya kuwa Makamu wa Rais anaefanya kazi.Barua hiyo ilivuja katika mitandao ya kijamii japo alimsisitiza Rais kuwa iwe baina yao wawili.Baada ya kuvuja ilichorwa katuni ikimwonyesha Temer kama pambo la Christmass na Rais Dilma akimcheka kwa dharau.Ofisi ya Rais haikutoa tamko lolote juu ya hilo na badala yake Rais Dilma alitoka hadharani na kumwita msaliti katika serikali yake.

Baadae mwezi April mwaka huu rekodi ya sauti ya Temer ilivuja iliyosikika akiwasihi wabunge wa chama chake kuwa wasitarajie kama kukitokea mabadiliko ya utawala basi mambo mazuri yataanza kuonekana ndani ya muda mchache.Rekodi hiyo inachukuliwa kama ushahidi kuwa tayari alishaanda mazingira ya kuongoza kumtoa Dilma kwenye kiti jambo ambalo leo limetimia na sasa yeye ndio Rais.

Ungependa kujua hili…..

Temer ana watoto watano.Watatu aliwapata na mke wake wa kwanza, mmoja alizaa na mwandishi wa habari na mmoja amezaa na mke wake wa sasa ambae alianza nae mahusiano akiwa na miaka 17 wakati yeye Temer akiwa na miaka 60.Sasa hivi Temer ana miaka 75.

Share on Google+

About TANZANIA INVESTEMENT ADVENTURERS

We are an Investment Club geared to use social networks as means of sharing informations, knowledge, wisdom but more importantly reducing the cost of marketing your products by reaching so many potential customers with the lowest cost ever.