KUZUIA WANANCHI KUFATILIA BUNGE “LIVE” NI “UJAMBAZI” WA MCHANA

Na:Lello Mmassy

Itakuwaje leo ukiambiwa tunasitisha matumizi ya mawasiliano kwa njia ya simu,kuwa ili uwasiliane na ndugu yako alieko kijiji cha Kapalamsenga kule Sumbawanga basi usubirie barabarani basi linalokwenda huko umpe dereva barua yako na kule ndugu yako asubirie stendi ya mabasi kupokea ujumbe huo?. Kwan si atakuwa ujumbe kapata kwani lazima umpigie simu? mbona wazee wetu walitumia njia hiyo wewe kinachokushangaza ni nini? Kwanza utakuwa umekwepa gharama za kununua vocha.

Ebo, serikali na bunge kwa ujumla mmekera sana. Mnaturudisha zama gani? Mnachoifanyia nchi hii walah ni ujambazi wa mchana kweupe peee. Waziri anasimama anasema kurusha matangazo ya bunge ya moja kwa moja ni gharama saaaana ambayo serikali haiwezi kubeba. Halafu baada ya miezi kadhaa tunamuona katibu wa bunge akiingia Ikulu na mfurushi wa mapesa anamwambia Rais “Mheshimiwa haya mafurushi ya pesa yamebaki” Ebo!! Si mmesema hakuna fedha nyie za kulipia matangazo? Hizo zimebaki wapi?. Wakati huo huo wapo wanaosema mbona hapo nyuma hatukuwa tunarusha matangazo moja kwa moja sasa mimi naomba warudi nyuma pia kwa kuacha kutumia simu kwa mawasiliano halafu tuone “hiyo nyuma” ina ubaya gani.

Sasa kuna hawa wanaotia kichefuchefu wanaosema mbona hata mataifa ya magharibi hawarushi moja kwa moja, alaa! Basi na sie tuanze kuoana wanaume kwa wanaume ili twende sawa na mataifa ya magharibi. Yani sisi hatuna la kuwafunza wao eeh.Kuwa kiiila chao ni chema sio, ebo.

Haya, serikali inatuambia lipa kodi lipa kodi lipa kodi asielipa kodi anaiibia serikali na sisi tunatii tunalipa kodi ikifika wakati wa kupangia matumizi hizo kodi loh! Mnataka mjifungie gizani. Huu ni ujambazi.Kwanini hamtaki tuone na kufatilia mnayojadili?mnaogopa nini?kwanini mnakimbia kivuli chenu wenyewe. Serikali inataka kuturudisha enzi za ujima, HAPANA hii si sawa hata kidogo. Katika zama hizi hatuwezi rudi tena huko nyakati za kuletewa habari zilizoghoshiwa.

Niwasihi serikali na bunge kwa ujumla mturudishie matangazo ya bunge ya moja kwa moja. Tunataka tuwaone wawakilishi wetu bungeni wanasema nini,kitu gani kimejadiliwa na serikali imejibu nini. Huo usiku wa manane mnaotaka tuangalie vipindi mlivyoviediti ili tuchelewe kulala na asubuhi mnatuwekea madaftari getini ya kusaini na kutupigia mistari miekundu tukichelewa hatutaki.

Share on Google+

About TANZANIA INVESTEMENT ADVENTURERS

We are an Investment Club geared to use social networks as means of sharing informations, knowledge, wisdom but more importantly reducing the cost of marketing your products by reaching so many potential customers with the lowest cost ever.