Huyu Ndiye Aliyemuua Benazir Bhutto..Musharraf ilikuwa ni “cover up”

Benazir Bhutto

Nani afuatiliaye siasa akaacha kumjua mwanamama Benazir Bhutto? Huyu alikuwa ni mwanamke wa kwanza kuliongoza taifa la kiislam la Pakistani. Ikumbukwe wanawake katika nchi za kiislam huwa hawapewi vipaumbele vya kuwaongoza wanaume lakini mwanamama huyu jasiri aliezaliwa mwaka 1953 na aliweza kuwa mwanamke pekee si kuingoza Pakistani tu kama waziri mkuu bali alishika wadhifa huo mara mbili yaani mwaka 1988-1990 na 1993-1996

Historia yake ni ndefu hata kunyongwa kwa baba yake ambae nae aliwahi kuwa waziri mkuu wa taifa hilo. Ndoto za mwanaharakati huyu zilizimwa rasmi mchana siku ya tarehe 27 Desemba 2007 mjini Rawalpindi Pakistani akitoka kuhutubia mkutano wa kampeni katika uwanja wa Liaquat National Bagh. Ikumbukwe ni katika kampeni ambazo uchaguzi wake ulikuwa umepangwa kufanyika  January ya mwaka unaofuata yaani 2008. Yeye akiwa anapeperusha bendera ya chama kikuu cha upinzani na kilichokuwa na nguvu cha Pakistan People’s Party dhidi ya chama alichokuwa akikiongoza Rais wa wakati huo Gen.Perves Musharraf. Taifa la Pakistan liliingia simanzi majira ya saa 12:16 jioni katika hospitali ya Rawalpind baada ya Bhutto kufariki dunia.

Nini Kilimuua?

Kwanza ikumbukwe Benazir Bhutto akiwa anatoka kuhutubia bomu lilimlipukia kwenye gari alilokuwa akilitumia na hivyo kunusurika na kukimbizwa hospitali. Mara baada ya kufariki waziri wa mambo ya ndani alitoa ripoti kuwa Benazir amefariki kutokana na mpasuko katika ubongo (Brain Fructure). Lakini ni hapo wasaidizi wa Benazir walipovunja ukimya kuwa si kweli Benazir mbali ya bomu lile lakini alipigwa risasi mbili na mtu asiejulikana. Wakitoa ushahidi huo Rais Perves Musharraf aliingilia kwa kusema wasaidizi wale ni waongo na wazushi lakini baadae madaktari waliokuwa wamezuiwa kusema chochote waliamua kukiri kuwa ni kweli Benazir alipigwa risasi hivyo kumlazimu waziri kutengua kauli yake ya mwanzo. Ni hapo Perves Musharraf alipoanza kuhusishwa na sakata hili.

Nani alimuua/alipanga mauaji hayo? Huyu hapa...

Baitullah Mehsud ndio hasa muuaji wa Bi.Benazir Bhutto na si Musharraf. Japo kwa sasa Musharraf anahesabika kama muuaji na mpangaji wa kifo cha Bhutto lakini taasisi ya kiitelijensia ya Pakistan (Inter-service Intelligence of Pakistan) ambayo ni ya kwanza duniani kwa inteligensia ikifuatiwa na CIA ya marekani zote kwa kushirikiana zinakiri kuwa Baitullah Mehsud kiongozi wa kikundi cha Tehrik-i-Taliban Pakistan (TTP) chenye uhusiano na Al-Qaeda ndiye hasa aliepanga mkakati huu.

Mkurugenzi mkuu wa CIA Gen.Michael Hyden amenukuliwa akisema “Mpango huu umefanywa na mtandao wa Baitullah Mehsud. Hakuna shaka katika hilo”. Hii ni baada ya kupatikana kwa mawasiliano ya simu kati ya Baitullah na waliotega bomu na kumpiga risasi Benazir wakati Baitullah akiwapongeza kwa kazi hiyo.

Perves Musharraf

Kwanini Musharraf ahusishwe?

Kwanza Musharraf hakuwa na namna na inawezekana alipatwa na kiwewe. Anahusishwa kwa sababu ni yeye wa kwanza kabisa kumpigia simu Bhutto na kumtaka asirudi Pakistan kuja kugombea baada ya Bhutto kukaa uhamishoni kwa miaka tisa kwa sababu za kisiasa. Ikumbukwe Musharraf alikuwa ni mkuu wa majeshi mstaafu wa jeshi la Pakistani na alikuwa na uongozi wa kiimla (Dictator) na mpinzani mkubwa wa Benazir. Benazir alikataa na kuamua kurudi na kulakiwa na maelfu ya wa Pakistan na hivyo kumuweka pabaya Musharraf katika kurudi tena madarakani.

Pili baada ya kurudi kwa Bhutto mwaka 2007 alinusurika kuuawa kwa bomu na hivyo alimuomba Musharraf ampe kibali aagize makampuni binafsi ya ulinzi kampuni ya Black water na ArmorGroup ya uingereza wasaidie kumlinda (Kwanini aliyaamini makampuni haya?..tutajadili wakati mwingine). Ombi hilo Musharraf alilikataa. Benazir pia aliomba gari analotumia liwekwe tintedi lakini serikali ilimkatalia katakata. Lakini pia siku aliyopigwa risasi vizuia mawasiliano (mobile jammers) hazikuwa zinafanya kazi.

Sababu kubwa zaidi ni baada ya kugundulika kuwa kati ya waliohusika na tukio lile watatu ni “vijana” wa Musharraf na kitendo cha Musharraf kutoka hadharani mara tu baada ya Bhutto kufariki na kuwaita wasaidizi wa Bhutto kuwa ni wazushi na baadae madaktari kuthibitisha ilitosha kumwingiza kwenye kashkash hii.

Kwanini Musharraf alimkingia kifua Baitullah?

Labda hiyo iwe ni habari ya wakati mwingine lakini ikumbushwe tu kidogo kuwa Musharraf na Baitullah walikuwa ni mahasimu wakubwa hasa kutokana na Baitullah kuongoza kikundi kilichohesabika kama cha kigaidi na Musharraf na kiliisumbua sana serikali ya Pakistan tangu Musharraf akiwa mkuu wa majeshi. Wakati huu Musharraf aliungana na Baitullah kila mtu akiwa na interesti yake binafsi. Halikuwa wazo la Musharraf kumuua Benazir (ISI na CIA wanaripoti) ila Baitullah alimlazimisha Musharraf kumkingia kifua. Sababu za hii “cover up” zitaelezwa wakati ujao.

Tangu igundulike kuwa kuna mtu nyuma ya Musharraf aitwae Baitullah vyombo vya usalama vilianza kumtafuta bila mafanikio mapaka siku ya tarehe 5/8/2009 ndege ya kivita isiyo na rubani “drone” ya kimarekani ilipomlipua na kumuua hapo hapo Baitullah akiwa nyumbani kwa baba mkwe wake akijiuguza magonjwa ya figo huko kusini mwa Waziristan.

Kwanini Musharraf alikubali kumkingia kifua Baitullah? Nini kiko nyuma ya huu mlolongo wa mauaji?Mada itaendelea wakati ujao

Share on Google+

About TANZANIA INVESTEMENT ADVENTURERS

We are an Investment Club geared to use social networks as means of sharing informations, knowledge, wisdom but more importantly reducing the cost of marketing your products by reaching so many potential customers with the lowest cost ever.