Chura ya Snura yapigwa "STOP", “Asanteni kwa kuja” ya MwanaFA njiani

Hatimaye Serikali kupitia Wizara ya Habari,Utamaduni, Sanaa na Michezo leo imetangaza rasmi kusitisha  wimbo na video ya muziki wa Chura wa Msanii Snura Mushi kuchezwa kwenye vyombo mbalimbali vya Habari  kuanzia leo Mei 4.2016 mpaka pale atakapourekebisha na kuendana na maadili ya Tanzania. Serikali pia imemfungi Snura kujihusisha na masuala ya sanaa ikiwemo kutumbuiza kwenye matamasha mbalimbali hapa nchini

“Serikali imesitisha maonyesho yote ya hadhara ya msanii Snuara  mpaka atakapokamilisha  taratibu za usajili wa kazi zake Baraza la Sanaa la Taifa (BASATA).  Pia inawataka wasanii kujiuliza mara mbili kabla ya kubuni kazi zao za Sanaa. Wafikirie wazazi, ndugu, jamaa na marafiki zao watazipokeaje? Wavae nafasi ya wale wanaowadhalilisha, waelewe kwamba Sanaa si uwanja wa kudhalilisha watu hata  kidogo..” alieleza Kaimu Mkuu wa Kitengo cha Mawasiliano Serikalini, Bi. Zawadi Msalla.

Kufuatia hatua hiyo wadau wa masuala ya Sanaa wameanza kuhoji iweje video ya wimbo wa Chura ifungiwe wakati video ya wimbo wa Asanteni kwa kuja wa mwanamuziki Mwanafalsafa ukiendelea kuwa hewani. Nini maadili ya wimbo wa Asanteni kwa kuja tofauti na ule wa Chura.Lakini wapo wanaohoji kuwa serikali inataka kuliua soko la Sanaa nchini kwa kuwafungia wanamuziki katika kazi zao za Sanaa.

Share on Google+

About TANZANIA INVESTEMENT ADVENTURERS

We are an Investment Club geared to use social networks as means of sharing informations, knowledge, wisdom but more importantly reducing the cost of marketing your products by reaching so many potential customers with the lowest cost ever.